ချင်းတွင်းမြစ်အတွင်း ရေယာဉ်နှစ်စင်းတိုက်

Sunday, June 30, 2013
စစ်ကိုင်းတိုင်းဒေသကြီး ကလေးခရိုင် မင်းကင်းမြို့နယ်အနီး ချင်းတွင်းမြစ်အတွင်း ဇွန်လ ၂၇ ရက်နေ့ နံနက် ၁၀နာရီ ၄၅ မိနစ်ခန့်က ရေယာဉ်တစ်စင်း စက်ချို့ယွင်း၍ အခြားရေယာဉ်နှင့် တိုက်မိကာ တိမ်းမှောက်ခဲ့ကြောင်း မင်းကင်းမြို့နယ် ပြည်သူ့ရဲတပ်ဖွဲ့စခန်းထံမှ စုံစမ်းသိရှိရသည်။

မုံရွာမြို့မှ ဆယ်ဇင်းသို့ ချင်းတွင်းမြစ်အတိုင်း ဆန်တက်လာသော ရွှေညီမွှာ ကုန်တင်ေ...ရယာဉ်မှာ မင်းကင်းမြို့နယ် သံပေါက်ကျေးရွာသို့ အရောက်တွင် စက်ချို့ယွင်းပြီး လှနန်းဒေဝီ တွဲရေယာဉ်ကို ကန့်လန့်ဖြတ် တိုက်မိသဖြင့် ရွှေညီမွှာရေယာဉ်မှာ နစ်မြုပ်သွားခဲ့ကြောင်း၊ ယင်းကုန်တင် ရေယာဉ်ပေါ် လိုက်ပါလာသော ခရီးသည် ခြောက်ဦးမှာ ထိခိုက်သေဆုံးမှု မရှိဘဲ ဆန်အိတ် ၈၀ အိတ်၊ ဒီဇယ် ပေပါ ၁၅၀ လုံး၊ ခြောက်လုံးထိုး အင်ဂျင်နှစ်လုံး၊ မှုန်စုပ်စက် တစ်လုံး၊ သံပိုက်ရှစ်လုံး၊ ရေခဲသေတ္တာ တစ်လုံးတို့မှာ ရေထဲ နစ်မြုပ်ခဲ့ကြောင်း အဆိုပါ ရဲစခန်းထံမှ သိရသည်။

အဆိုပါ အမှုအတွက် ရေယာဉ်မောင်း ဦးမောင်ချိုနှင့် ဦးစိုင်းမြင့်ဦးတို့ကို မောက္ကတော်နယ်မြေ ရဲစခန်းက ယာဉ်(ပ) ၄/၂၀၁၃၊ ပြစ်မှုဆိုင်ရာ ဥပဒေပုဒ်မ (၂၈၀) ဖြင့် အမှုဖွင့် အရေးယူ ဆောင်ရွက်နေကြောင်း မင်းကင်းမြို့နယ် ရဲတပ်ဖွဲ့မှူးရုံးမှ တာဝန်ကျ ရဲအရာရှိတစ်ဦးက ပြောကြားသည်။

The Voice Weekly