ညသန်းခေါင်ယံ….break နားချိန်
သကြားမပါ….နို့ဆီမထည့်
ခပ်ပြင်းပြင်း…ကော်ဖီတခွက်ကိုသောက်
စက်ရုံအပြင်ထွက်လို့
ကောင်းကင်ကလမင်းကြီးကို
ငေးမောကြည့်ကာ
ထိုင်ကာတွေးတော
အမိမြေကို လွမ်းကြောင်း
ငါပြန်တွေး၏
မနက်၎နာရီထိုး…ဒီချိန်မှာဆို
မြို့တိုင်း..ရွာတိုင်း
ရဟန်း..သံဃာ
ဆွမ်းတော်လောင်းရန်
ချက်ဖို့.ပြုတ်ဖို့…ထကြရ၏
အိမ်ဦးခန်းက…ဓူဝေေ၀ဆိုတဲ့
အမေကြေးဆီသံလည်း…ငါဝေးခဲ့ရ
ရွာဦးကျောင်းက…အုံးမောင်းသံလည်း
မကြားရတာ..ကြာနေခဲ့ပြီ
ရွာတောင်ပိုင်းက..ဘကြီးဖြိုးရဲ့
အသံချဲ့စက်က….ဘုရားတရားသံကို
ငါတမ်းတ၏
ဒီလိုတွေးတော..လွမ်းဆွေးနေခိုက်
ကြားလိုက်ရတဲ့..အသံဆိုးက
၎နာရီးထိုး..၁၅မိနစ်
အလုပ်ဝင်ရန်..အချက်ပေးပြီလေ
No comments:
Post a Comment